VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
Os colexios electorais de Vilagarcía disporán de pictogramas para garantir o dereito ao voto ás persoas con discapacidade
O dereito constitucional ao voto será totalmente accesible en Vilagarcía grazas á colocación de pictogramas informativos que facilitarán o proceso ás persoas con discapacidade intelectual ou do desenvolvemento. A iniciativa, promovida a nivel estatal polo movemento Plena Inclusión e o Ministerio de Derechos Sociales, materialízase na cidade a través da colaboración entre a asociación BATA e o Concello de Vilagarcía. Tanto os pictogramas como a súa colocación fixéronse en base ás normas estandarizadas elaboradas por colectivos e organismos especializados.

23.05.2023.- En cada un dos colexios electorais que se constituirán o vindeiro domingo 28 de maio en Vilagarcía con motivo dos comicios municipais, haberá pictogramas de dous tipos. Os primeiros informarán sobre o uso das cabinas nas que os electores poden meterse para elixir con total privacidade a papeleta da candidatura á que desexen votar e introducila no sobre, garantindo así o dereito ao voto secreto.

Ademais, colocaranse sinais con pictogramas para informar do procedemento a seguir para exercer o voto na mesa electoral que corresponda ao elector, indicando que terán que amosar o DNI e entregar o sobre coa papeleta ao presidente da mesa.

As sinais foron creadas polo movemento asociativo Plena Inclusión, que agrupa a 935 entidades que loitan polos dereitos das persoas con discapacidade intelectual ou do desenvolvemento, e as súas familias. Os pictogramas foron avaliados polo Laboratorio de Diversidade, Cognición y Lenguaje de la Universidad de Sevilla en base á comprensión e percepción dos mesmos, segundo o estudo no que participaron 158 persoas con discapacidade intelectual de diferentes comunidades de España, todos maiores de idade, entre eles usuarios de BATA.

< volver

+ titulares