VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

MEDIO AMBIENTE
Vilagarcía consolida a calidade das praias de Compostela e O Campanario coa renovación das súas bandeiras azuis
As bandeiras azuis coas que se distingue a calidade das augas e dos servizos das praias en Europa volverán a ondear este verán nos areais vilagarciáns da Compostela e O Campanario (Bamio). A Asociación de Educación Ambiental y del Consumidor (ADEAC) fixo pública esta mañá a concesión dos distintivos concedidos este ano ás praias do litoral de toda España, entre as que se atopan as dúas dos areais vilagaciáns. Coa renovación dos galardóns a organización independente que se encarga de avaliar e auditar os areais premia o traballo realizado nos últimos anos polo Concello de Vilagarcía para continuar mellorando a calidade das praias do municipio.

04.05.2023.- O goberno local comentou ao coñecer a noticia que “a renovación das bandeiras azuis para as praias da Compostela e do Campanario representa para Vilagarcía unha excelente carta de presentación de cara a atracción de visitantes e para a promoción turística da cidade, a maiores do orgullo que para os vilagarciáns supón contar con estes recoñecementos de calidade nos nosos areais. A intención deste goberno é continuar mellorando os servizos e as instalacións para incrementar tamén o efecto de atracción de visitantes e para que os areais sexan un elemento máis de dinamización da economía local”.

Para o executivo local representa “unha enorme satisfacción” ter logrado os distintivos de calidade un ano máis, “meta para a que seguiremos traballando con novas actuacións e cos proxectos xestionados ante Costas para a eliminación do cadillo e a rexeneración e mellora de todos os areais do municipio, tanto os que contan coa bandeira azul, como para o do Preguntoiro, no que tamén queremos que volva a ondear o distintivo da ADEAC máis pronto posible”, expuxo o equipo de goberno.

< volver

+ titulares