VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

FORMACIÓN
O Centro de Emprendemento organiza un seminario de Power BI (business intelligence) para emprendedores
O Centro de Emprendemento do Concello de Vilagarcía de Arousa organiza o vindeiro xoves 30 de marzo, un seminario sobre Power BI (Business Intelligence) para emprendedores coa finalidade de mostrar as potencialidades desta ferramenta e capacitar aos participantes en novas técnicas de analítica que precisan os seus negocios. Actividade impartirase de 18 a 19.30 horas nas instalacións do centro, sitas na Rúa Os Duráns, e a asistencia é gratuíta. As praza son limitadas, polo que se require inscrición previa a través do enderezo electrónico cev@investinvilagarcia.com .

23.03.2023.- No seminario, impartido por un consultor de Craftium especializado na área de data, os emprendedores aprenderán de xeito práctico técnicas de procesamento da información, xeración de coñecemento e presentación avanzada de informes.

O Centro de Emprendemento, impulsado polo Departamento de Promoción Económica e Emprego do Concello de Vilagarcía de Arousa, continúa así coa axenda de actividades para seguir impulsando e apoiando o emprendemento e a consolidación empresarial da localidade como medio para dinamizar a economía local e crear emprego de calidade na cidade.

Asistido por un equipo de especialistas en diferentes áreas empresarias, o Centro de Emprendemento dá resposta á demanda das necesidades do tecido empresarial e das persoas emprendedoras, prestándolles un servizo de atención continuada e ofrecendo un completo programa de actividades entre ás que se inclúen obradoiros, seminarios e actividades de networking. Os emprendedores e emprendedoras interesados poderán axendar titorías para definir a folla de ruta dos seus proxectos segundo as súas necesidades.
 

< volver

+ titulares