SANIDADE
O Concello de Vilagarcía chama á atención da sociedade sobre a necesidade da prevención contra o cancro O Concello de Vilagarcía de Arousa súmase aos actos do Día Internacional Contra o Cancro que se conmemora hoxe, sábado 4 de febreiro. Con motivo de chamar a atención da sociedade sobre unha enfermidade que ten unha moi elevada incidencia na poboación atendendo aos moitos modos de afección que presenta, o alcalde, Alberto Varela, recibiu onte das mans dos membros da Asociación Española Contra el Cáncer a pancarta que se pendurou no balcón do consistorio o manifesto deste ano. A tenente de alcalde, Tania García, e o concelleiro de Relacións Veciñais, tamén asistiron ao breve acto celebrado na praciña do Concello xunto coa delegación da asociación encabezada pola súa presidenta na zona do Salnés, Loli Crespo.
04.02.2023.- O manifesto do Día Mundial contra o Cancro fai especial fincapé este ano na necesidade da prevención. O mensaxe que dirixe á sociedade é que, ademais de facer vida saudable e de prescindir de hábitos tan prexudiciais como fumar, un dos que máis cancro produce, participen en todos os programas e cribados contra os distintos tipos de cancro que ofrece a sanidade pública, que os esixan alá onde non existen e que se controlen periodicamente, xa que a detección precoz é fundamental. En canto ás administracións, a asociación demanda medios, novos e máis amplos programas preventivos e axudas á investigación.
Le aquí o manifesto do Día Mundial Contra o Cancro: