AVISOS
As rutas en galeón regresan esta fin de semana tras os aprazamentos polo mal tempo O galeón Cortegada volverá a sucar as augas da Ría esta fin de semana coas viaxes organizadas polo Concello de Vilagarcía que se tiveron que pospoñer hai unhas semanas debido ao mal tempo. O venres e o sábado son os días elixidos para realizar as rutas tanto do programa de turismo ambiental, como o específico para persoas maiores. Debido ao cambio de datas quedaron vacantes algunhas prazas para a excursión de mañá que os interesados poderán cubrir reservando a partir das 9 horas do mesmo día a través de http://www.ataquilla.com . A participación ñe de balde.
22.09.2022.- As singraduras do programa xenérico de turismo medio ambiental celebraranse mañá venres, a primeira con saída ás 16 horas dende o pantalán deportivo do peirao de Vilagarcía e a segundas ás 18. O sábado será a quenda das rutas para persoas maiores que poderán realizar unha viaxe ás 12 do mediodía e , xa pola tarde, unha ás 16 e outra ás 18 horas.