EDUCACIÓN
A Escola Municipal de Música abre o prazo extraordinario de matrícula en varias especialidades instrumentais A Escola Municipal de Música “Bernardo del Río” de Vilagarcía abre o prazo para cubrir as prazas vacantes tanto na modalidade de Música e Movemento en varias especialidades instrumentais para o próximo curso escolar que dará comezo o 12 de setembro. A matrícula deberá formalizarse presencialmente na secretaría da Escola de Música os días 8 e 9 de setembro de 10:00 a 13:30h e de 16:30 a 20:00h, ou ben remitindo a documentación por correo electrónico ao enderezo escolamusica@vilagarcia.gal
02.09.2022.- As especialidades con prazas vacantes son: Musica e Movemento (para educandos de 4 a 7 anos de idade) e para as especialidades dos grupos de Vento Madeira (Saxofón, Clarinete e Frauta Traveseira), Vento Metal (Trompeta, Trombón,Trompa, Bombardino) Piano e Linguaxe Musical Adultos. As materias instrumentais son para alumnos/as a partir de oito anos e adultos sen limite de idade.
A documentación a presentar e a seguinte: impreso de matrícula, que se pode descargar dende a web do centro http://www.emmusicavilagarcia.com , o certificado de titularidade e número de conta bancaria para o cobro da taxa e o DNI do titular de dita conta para a domiciliación dos recibos.
As clases comezarán o vindeiro luns 12 de setembro.