DEPORTE
Nuria Cascón e Breogán Calviño proclámanse campións absolutos do XX Torneo de Tenis de Verán Concello de Vilagarcía A vixésima edición do Torneo de Tenis de Verán do Concello de Vilagarcía clausurouse este xoves, 25 de agosto, coa celebración das finais das categorías absolutas e a entrega de premios nas pistas do complexo municipal polideportivo de Fontecarmoa. Nuria Cascón e Breogán Calviño proclamáronse campións nas categorías absolutas feminina e masculina respectivamente, mentres que Lamar Mogollón e Álvaro Abalo foron os vencedores nas categorías A (nados entre os anos 2014 e 2010) e B (2009-2005) respectivamente. O campión na modalidade de veteranos foi Patricio Sequeira e o trofeo á deportividade recaeu en Marcos Vidal.
27.08.2022.- O Torneo de Tenis de Verán 2022, que organiza cada ano a Fundación Municipal de Deportes de Vilagarcía, contou na presente edición con 96 participantes, aínda que as inscricións reais ascenderon a 118 xa que moitos dos xogadores competiron en dúas categorías diferentes. A máis numerosa foi a absoluta masculina (57 participantes), seguida da de veteranos (18), ás categorías A e B, que van por idades (16 xogadores en cada unha delas) e a absoluta feminina (11). Cómpre salientar tamén a presenza de xogadores chegados de diferentes puntos da xeografía galega. O torneo comezou o pasado 18 de xullo e rematou o xoves, 25 de agosto. Nesas semanas celebráronse un total de 130 partidos das diferentes categorías, todos eles resoltos polo sistema de eliminatoria.
Resultados das finais
CATEGORIA A (anos 2014-2010) Lamar Mogollón Iglesias gaña a Marta Utrera Carballo (6-4/6-4).
CATEGORIA B (anos 2009-2005) Alvaro Abalo Martínez gaña a Nicolás Álvarez Forneiro (6-2/6-3).
VETERANOS (ano 1971 e anteriores) Patricio Serqueira Keenehan gaña a José Luis Padín Núñez (7-5/3-6/6-2).
ABSOLUTA FEMENINA Nuria Cascón Lapido gaña a Ariadna Lucio Cora (3-6/6-4/6-2).
ABSOLUTA MASCULINA Breogán Calviño Froiz gaña a Jorge Rodríguez González (6-2/7-5). Na final de consolación Nicolás Durán Patón gaña a Francisco Utrera Outeda (7-6/7-6).