VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
A XX edición do Paseo Nocturno en Bicicleta celébrase este sábado a partir das 22.00 horas
O Concello de Vilagarcía e a Asociación Arousa en Bici organizan este sábado, 9 de xullo unha nova edición do Paseo Nocturno en Bicicleta, un evento co que se quere promocionar o uso da bicicleta como medio de desprazamento pola cidade, neste caso de xeito lúdico. A actividade, que este ano chega a súa vixésima edicinón, partirá ás 22.00 horas do Cavadelo para cubrir o traxecto de ida e volta entre Vilaxoán e Carril. A organización invita a participar na marcha cicloturista.

06.07.2022.- A participación na marcha nocturna, de carácter lúdico e non competitivo, está a aberta a todo o mundo e non ten límite de idade. O percorrido será similar ao de anos anteriores: iníciase na zona do Cavadelo para discorrer polo carril bici de Valle Inclán, cara Vilaxoán por beiramar, dar a volta á altura da praia do Preguntoiro e regresar a Vilagarcía polo mesmo lugar. No parque do Centenario seguirase polo carril bici para ir ata Carril polo paseo marítimo e regresar a Vilagarcía seguindo este mesmo percorrido.

Ao remate do paseo, realizarase un sorteo de accesorios para a bicicleta e para os ciclistas, así como algunha sorpresa máis. A organización lembra aos participantes que non deben esquecerse de levar casco, sendo obrigatorio o seu uso para menores de 16 anos.
Os ciclistas irán acompañados en todo momento por efectivos do Servizo Municipal de Emerxencias e da Policía Local.

< volver

+ titulares