VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

DEPORTE
Sae a licitación a renovación das luminarias do campo de fútbol da Lomba cun investimento de 130.680 euros
O Concello de Vilagarcía abriu hoxe o proceso de licitación do subministro das novas luminarias para o campo municipal de fútbol da Lomba. Cun prezo de licitación de 130.680 euros, a actuación permitirá mellorar a iluminación do terreo de xogo, adaptándoo ás condicións que esixe a Federación para competicións de nivel estatal, ademais de incidir nun maior aforro enerxético e favorecer a redución das emisións de CO2. As empresas interesadas no contrato poden presentar as súas ofertas a través da plataforma pública de contratación ata o día 8 de xullo. A adxudicataria disporá dun prazo de 2 meses para realizar o subministro.

23.06.2022.- A actuación financiarase a través do Plan Concellos 2022/23 da Deputación Provincial de Pontevedra, que xa hai unhas semanas que confirmou a subvención do 100% do orzamento.

O proxecto previsto suporá substituír os 40 proxectores halóxenos de 2.000 W de potencia existentes na actualidade, por outros tantos de tecnoloxía led con potencias iguais ou inferiores aos 1.440 W, sempre que garantan un nivel de luminosidade de 500 lux, o que mellorará considerablemente as actuais condicións lumínicas do terreo de xogo. Este requirimento de menor potencia tamén suporá un importante aforro económico no consumo eléctrico a asumir polo Concello en comparación co gasto actual.

A obra enmárcase nas medidas de mellora da eficiencia enerxética que está a levar a cabo o Concello de Vilagarcía en diversas instalacións municipais, así como nas políticas que se promoven dende a UE para reducir a pegada de carbono.

< volver

+ titulares