AVISOS
“Llega700” anuncia posibles interferencias nas canles da TDT e lembra o teléfono gratuíto de incidencias As operadoras de telefonía móbil seguen ampliando a infraestrutura no municipio no marco do plan estatal de desenvolvemento da tecnoloxía 4G e 5G en Vilagarcía. Como consecuencia da extensión do servizo móbil de nova xeración 4G e 5G sobre as bandas de frecuencia de 700 e 800MHz, nas vindeiras semanas poden producirse determinadas afectacións na recepción da sinal de canles da TDT que se utilizaban anteriormente para o servizo de televisión. A empresa Llega 700, creada para xestionar estas incidencias lembra da existencia do teléfono gratuíto e do enderezo mail aos que os usuarios poden dirixirse para comunicar os problemas e solicitar a súa resolución.
24.05.2022.- Os veciños que detecten algún tipo de interferencia nas canles de televisión dixital terrestre poden comunicalo no prazo dos vindeiros 6 meses a través do teléfono 900 833 999 e do e-mail ayuda@llega700.es para que os técnicos solucionen as afectacións e restablezan o servizo TDT con total normalidade.