VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

POLICÍA LOCAL
A Policía detén a un home que trepou pola fachada dun edificio na rúa San Roque para roubar nunha oficina
A Policía Local de Vilagarcía detivo na madrugada de onte a un individuo que pretendía roubar nunhas oficinas situadas nun piso da Rúa San Roque ao que accedeu trepando pola fachada do inmoble. O detido por “tentativa de roubo con forza” é un veciño de Pontevedra de 55 anos de idade que responde ao nome de Diego A.G.

21.01.2022.- Os feitos aconteceron ás 01.45 horas da madrugada cando un viandante avisa telefonicamente á Policía Local de que un home estaba trepando pola fachada dun edificio da céntrica Rúa San Roque e accedendo ao interior dun piso a través dunha fiestra. Ao chegar ao lugar a patrulla comproba a existencia de danos nas tuberías e cableados de servizos que discorren ancorados pola fachada e ven unha fiestra entreaberta. Cando ían a facer a inspección ocular dende fóra coa axuda dunha grúa do Servizo de Emerxencias, achégase ao lugar o propietario da empresa con sede no devandito piso que, ao vivir nas inmediacións e ver o despregue, baixou a interesarse polo que estaba a suceder. Foi el quen abriu a porta do piso e acompañou aos axentes para que inspeccionaran o interior, atopando agochado nunha das dependencias ao individuo finalmente detido. O propietario da empresa comentou que hai uns meses xa sufrira un roubo co mesmo modus operandi no que se lle tiñan substraído 300 euros e un ordenador.

< volver

+ titulares