VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

XUVENTUDE
Os adornos elaborados por Mateo e Chloé Ferreiro con pezas de bicicletas gaña Concurso de Decoración Sostible de Nadal
A terceira edición do Concurso de Decoración Sostible de Nadal convocado pola Concellería de Xuventude xa ten gañadores. O orixinal conxunto de adornos elaborados por Mateo e Chloé Ferreiro García utilizando pezas de bicicletas vellas foi o mellor valorado polo xurado, quedando en segundo posto a vila navideña que Martín Costa Calvo deseñou a base de briks e cascas de pistachos. O terceiro premio recaeu na árbore de Nadal realizada con papel e dos anxeliños creados con cunchas e cápsulas de café obra de Jimena Oubiña Ferreiro.

15.01.2022.- Como xa acontecera o ano pasado, no que o concurso pasou do ámbito escolar, ao familiar, a convocatoria trasladouse ao interior dos fogares dos nenos e nenas vilagarciáns co obxectivo de que eles mesmos participasen do forma activa na decoración das súas casas utilizando materiais naturais, reciclando e utilizando refugallos. Os premios concedéronse en base á puntuación obtida polos traballos, en base aos criterios de avaliación fixados nas bases, tendo en conta os elementos antes expostos, así como á orixinalidade e laboriosidade dos deseños. Os tres finalistas obtiveron unha alta valoración do xurado, con puntuacións moi axustadas de 8,8 para o primeiro premio, 8,1 para o segundo e 7 para o terceiro.

Como gañadores do concurso, Mateo e Chloé recibiron como premio unha tablet valorada en 300 euros, mentres que Martín e Jimena, como segundo e terceira clasificados, un lote de material didáctico e lectura valorados en 200 e 100 euros respectivamente.

< volver

+ titulares