CONCELLO
A oferta de emprego do Concello inclúe dous policías, un traballador social e un técnico da administración xeral A Xunta de Goberno local aprobou na sesión desta semana a Oferta Pública de Emprego do Concello de Vilagarcía relativa ao ano 2021. A oferta componse de 4 prazas, das cales 2 son de axente de policía, 1 de técnico da administración xeral e outra de traballador social. A oferta deberá publicarse agora nos diarios oficiais e, a partir de aí, o Concello iniciará os procesos de cobertura dos postos mediante a realización das correspondentes convocatorias.
15.10.2021.- Como xa vén sendo habitual nos últimos anos, a oferta pública de emprego do Concello de Vilagarcía volve a incluír este ano prazas de axente da garda municipal, medida que reitera o firme compromiso adquirido polo executivo de Alberto Varela por reforzar o plantel da Policía Local. Nesta ocasión, son dúas as prazas convocadas, ambas de axente correspondente ao grupo C1. O posto de Técnico da Administración Xeral inclúese no grupo A1, mentres que o de Traballador Social para o departamento de Servizos Sociais corresponde ao grupo A2.