MEDIO AMBIENTE
O servizo de Medio Ambiente incorpora ao seu parque móbil un vehículo para a limpeza de zonas de difícil acceso O servizo municipal de Medio Ambiente recibiu esta mañá o vehículo especial adquirido para facilitar as labores de limpeza e mantemento de espazos naturais de difícil acceso aos que non poden chegar os vehículos tradicionais. Trátase dun Corvus, modelo Terraen, tipo dúmper con cabina que, debido as súas pequenas dimensións, similares ás dos vehículos especiais eléctricos que circulan por carretera, pode circular por pasos estreitos. O vehículo foi adquirido á empresa Baygar por 18.089 euros que se financiaron con fondos municipais máis unha achega do Fondo de Compensación Ambiental.
08.10.2021.- A incorporación deste vehículo especial ao parque móbil do servizo de Medio Ambiente era imprescindible e necesaria para facilitar as labores de mantemento e limpeza de zonas de complicado acceso debido á falta de espazo como as pistas das rutas de sendeirismo, a Vía Verde, camiños rurais estreitos ou mesmo a praia de Canelas, á que os vehículos de dimensións normais cos que conta o servizo e a empresa de limpeza, non poden baixar.
O concelleiro de Medio Ambiente, Diego García, foi o encargado de recibir esta mañá o novo vehículo que estará operativo en cuestión duns días, tan pronto como se tramite o seguro.