VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

OBRAS E SERVIZOS
O Concello inicia a obra da cuberta do patio da Escola Unitaria de Aralde
O Concello de Vilagarcía inicia esta semana as obras de construción da cuberta do patio da Escola Unitaria de Aralde, unha actuación demandada dende hai tempo pola comunidade escolar e que o executivo socialista se comprometeu a executar ante a falta de apoio da Consellería de Educación. Os traballos consistirán en instalar unha cuberta, a modo de soportal, na zona do patio dianteiro, onde os nenos poidan xogar e airearse tamén nos días de choiva sen quedar expostos ás inclemencias do tempo. O Concello inviste nesta actuación 22.600 euros de fondos propios.

17.05.2021.- A cuberta a instalar pola firma pontevedresa GPD Construcciones S.A. incluirá unhas partes translúcidas para facilitar que a luz natural chegue igualmente á zona de xogos. A obra inclúe as canalizacións para a recollida de augas pluviais dende a cuberta e, aproveitando os traballos, realizarase tamén a conexión do centro á rede municipal de saneamento

Para financiar esta obra, o Concello, ademais de redactar o proxecto, tivo que buscar o financiamento necesario a través dunha modificación de crédito aprobada en Pleno. Como xa se dixo no seu momento, a administración local non está obrigada a investir en actuacións que corresponden a outra administración, neste caso á autonómica, pero o executivo socialista decidiu asumir o gasto, en defensa dos cativos que acoden ao centro, como xa fixo outras veces, como co ximnasio do colexio de Rubiáns ou co comedor do Piñeiriño.

< volver

+ titulares