VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
Emerxencias acompaña aos escolares ata o colexio de Vilaxoán mentres se arranxa o burato na rúa Sobrán
Operarios de Espina Delfín e do Concello traballan dende primeira hora desta mañá no arranxo do burato aparecido onte pola tarde na Rúa Sobrán. Aínda que a rúa segue aberta ao tráfico, as obras impiden o paso de vehículos de grandes dimensións, como o autobús escolar. Ata que non se rematen os traballos, para chegar ao colexio os escolares terán que facer o último tramo a pé. Persoal do Servizo Municipal de Emerxencias e Protección Civil os acompaña para garantir a súa seguridade.

21.04.2021.- Mentes, o autobús parará á altura da igrexa para deixar e recoller aos escolares que cubrirán a pé a distancia ata o colexio, compañados por efectivos de Emerxencias e Protección Civil. O sistema xa se puxo en marcha esta mañá, ao ter o Concello concretado o procedemento onte pola noite coa empresa de transporte e o colexio.

Como xa acontecera noutras ocasións, o burato aparecido na calzada abriuse descubrindo unha zona máis ampla do subsolo completamente minado pola erosión de unha corrente de auga procedente dunha rotura do saneamento. Os traballos para abrir a calzada en toda a extensión da cavidade, repoñer o tubo do saneamento e renovar o da auga, rechear a zanxa e volver a cubrir o firme poden prolongarse dúas xornadas. Os operarios municipais traballarán en quenda de mañá e tarde para axilizar ao máximo a obra e que o servizo escolar poida volver á normalidade canto antes.

A problemática non é nova e, de feito o goberno local xa ten programado para este ano un investimento de 600.000 euros con cargo ao Plan Concellos para renovar os servizos da Rúa Sobrán e acondicionar e humanizar a superficie. O proxecto presentouse hai unhas semanas e estase á espera de que a Deputación autorice o investimento para poder sacar a licitación as obras.

< volver

+ titulares