AVISOS
Vilagarcía suspende de forma preventiva os obradoiros de emprego tras detectarse un positivo en covid O Concello de Vilagarcía suspendeu esta mañá de forma preventiva os obradoiros de emprego FORME e Labora Xove ao terse detectado un caso positivo de COVID entre o persoal docente. Os responsables municipais comunicaron a situación de inmediato á dirección do Centro de Alertas Epidemiolóxicas que recomendou o peche preventivo dos dous obradoiros durante 10 días, anunciando que mañá mesmo se realizará un cribado entre o alumnado, profesores e persoal de dirección para ter maior control da situación e determinar si se trata dun caso illado ou si pode haber máis afectados.
12.04.2021.- A persoa infectada forma parte do equipo docente do Labora. Maila que a súa labor se limita a un único módulo deste obradoiro, dado que as clases deste programa e as dos módulos do FORME se desenvolven no mesmo edificio e como os profesores comparten sala de reunións, optouse por suspender a actividade nos dous obradoiros ata que se leven a cabo os cribados e as autoridades sanitarias decidan ao respecto.
Os dous obradoiros suman un total de 36 alumnos, ao que hai que sumar ás 10 persoas máis que conforman os equipos directivos e os docentes.
O Servizo Municipal de Emerxencias, con sede nos baixos do inmoble, permanece operativo ao utilizar instalacións independentes e con compartir estancias cos dos obradoiros. Ademais, os seus efectivos xa están vacinados. Con todo, o Concello segue pendente das instrucións do Sergas e do Centro de Aletas Epidemiolóxicas.