VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

COMERCIO E INDUSTRIA
Esgotados os 3.750 packs de bonos “Son da Casa!” de Nadal
O Concello de Vilagarcía esgotou onte os 3.750 packs de bonos-compra “Son da Casa!” emitidos o pasado 28 de novembro para estimular o consumo no comercio e hostalería locais durante a campaña de Nadal. A velocidade da venta dos tickets supera a boa acollida que xa tivera a edición de verán, superando as mellores expectativas, non so por terse adquirido todos os bonos en apenas tres semanas e media, senón tamén polo bo ritmo de utilización dos mesmos nos establecementos comerciais, hostaleiros e de servizos adheridos á campaña.

23.12.2020.- A concelleira de Promoción Económica, Alba Briones, mostrou a súa satisfacción polo éxito da iniciativa posta en marcha polo Concello no marco das medidas aprobadas para contribuír á recuperación da economía local tras a crise ocasionada como consecuencia da pandemia.

Como xa se sabe, o Concello financia parte dos bonos de xeito que os cidadáns, pagando 20 euros, podían adquirir un lote co que facer compras por importe de 30 euros. É dicir, que o Concello subvencionaba 10 euros. Deste xeito anímase ao consumidor a mercar e a facelo e lógrase xerar un maior volume de actividade nos establecementos de Vilagarcía adheridos á campaña, un total de 200. Os bonos poderanse gastar ata o 31 de xaneiro..

Tamén con motivo da campaña de Nadal, o Concello quixo facer un agasallo aos primeiros 1.000 compradores de packs dobres de bonos (o máximo que se podía adquirir por persoa eran 2 lotes). Estas persoas serán agasalladas cun vaso take away coa imaxe da campaña “Son da Casa”, facendo tamén un chisco á hostalería local que durante un mes soamente podía servir os seus produtos para levar.

Dado que xa están esgotados, este sábado xa non haberá venta presencial na Praza de Galicia. O reparto dos vasos continuará nos vindeiros días segundo se vaia avisando previamente vía whastapp aos interesados.

< volver

+ titulares