_ Buzón do Alcalde Trámites Administrativos Turismo Enlaces
4O CONCELLO
:VILAGARCÍA TURISMO:
_LA CIUDAD
_THE CITY
URBANISMO
O Concello saca a licitación a obra de peonalización da rúa Camilo José Cela cun investimento de 230.384 euros

Coincidindo co comezo da medición de aforos do tráfico no Piñeiriño para a posterior elaboración do plan de tráfico a implantar no barrio, o Concello saca a licitación a peonalización da Rúa Camilo José Cela, obra coa que se pon en marcha a ambiciosa transformación proxectada polo goberno local para humanizar e dinamizar esta populosa zona do municipio. A obra licítase por 230.384 euros (impostos incluídos) e ten un prazo de execución de 6 meses. As empresas interesadas en presentar ofertas dispoñen de prazo para facelo ata o 16 de novembro.
28.10.2020.- A actuación proxectada afecta ao tramo de Camilo José Cela comprendido entre a encrucillada coas rúas Emilia Pardo Bazán e Fernández Gil e Casal nun extremo e coa de Julio Camba e Ramón Martínez polo outro. Este espazo converterase nunha praza central ou lugar de encontro atractivo e acondicionado para que os veciños poidan espallarse e fomentar as relacións de veciñanza. As obras devolverán a rúa á escala humana e encherana de vexetación exótica a distintos niveis, ademais de vestila dunha atractiva e orixinal pavimentación a base de mosaicos. A proposta completarase con iluminación ornamental e mobiliario urbano.

O proxecto realizado polo arquitecto Mariano Vázquez cumpre coas premisas básicas apuntadas dende o Concello: adaptar o espazo á escala humana e baixo criterios de completa accesibilidade, desterrar o coche co obxectivo de devolverlle á zona a esencia de barrio fomentando as zonas de estar e de circulación peonil, adaptarse aos escenarios de modificación do tráfico rodado no resto do barrio e permitir o acceso puntual de vehículos á zona obxecto desta actuación para a realización de tarefas de carga e descarga, acceso a garaxes, vehículos de emerxencia, etc... Ademais, a proposta debía actualizar e contemporaneizar a imaxe da rúa -ancorada nos canons dos anos 70-80, cando as rúas se formulaban para dar servizo aos coches en lugar de ás persoas, e os edificios colmataban os barrios que tiñan con beirarrúas moi estreitas e carecían de zonas verdes.

En base a estes criterios, a obra combinará pavimentos de formigón de diferentes grosores, en función de si se trata dunha zona exclusiva de peóns ou si ten que soportar paso de vehículos, e con tratamentos diferenciados (texturas, cores e formas) que permitan crear mosaicos xogando coa repetición de formas xeométricas e motivos florais.

A vexetación configuraríase a tres niveis (baixo mediante o uso de plantas, a medio nivel con arbustos e, nun plano máis elevado, con árbores). Estas zonas verdes confinaríanse en parterres e xardineiras que permitan un minimizar as labores de mantemento e contarán con sistema de rego. Plantaranse plantas aromáticas, de froito e especies exóticas que aportarán gran variedade de colorido e aromas.

A proposta completarase cunha iluminación humanizada, a base de sistemas de led empotrados no chan que formarían sendas de luz e resaltarían a arquitectura, as contornas naturais e as árbores; todo isto utilizando cores cálidos e que aporten un elevado confort visual.

Reunións coas comunidades de veciños

O proxecto de humanización foi presentado polo goberno a un total de 115 comunidades de veciños dos edificios e titulares de vivendas unifamiliares tanto da Rúa Camilio José Cela, como situadas nas restantes rúas do barrio. Celebráronse seis xuntanzas no Concello nas que, ademais de explicar a actuación prevista e os obxectivos da mesma, se escoitou a opinión e recolleron propostas dos veciños.

A maiores, a concelleira de Urbanismo tamén recibiu a veciños de forma particular e mesmo mantivo un encontro con representantes da Plataforma. Froito de todos estes encontros, dado que unha das maiores preocupacións dos habitantes das Pistas era a repercusión da peonalización na circulación de vehículos, o Concello comprometeuse a realizar un estudo de tráfico para deseñar un plan de tráfico adaptado ás novas circunstancias. Os traballos de campo deste estudo comezaron hoxe mesmo co inicio da medición de aforos.
4Participación CIDADÁ
_Escribe o teu ALCALDE
_Regulamento de Particip.
_Queixas e Suxestións
Trámites Administrativos
  Municipais / No Municipais
»
4DÍA A DÍA
    Nov 2020  
L
M
X
J
V
S
D
           
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
           
P.X.O.M.
voluntariadogalego.org


[Inicio] [Información Turistica] [Trámites Administrativos] [Ordenanzas] [Taboleiro de anuncios] [Buzón de Suxestións]
[Novas Concello] [Axenda Cultural] [Revista Municipal] [Plan Xeral de Urbanismo] [Vilagarcía en cifras]
[Gabinete de Comunicación] [Postales] [Mapa e Rueiro] [Enlaces] [Contacto]

© 2020. Concello de Vilagarcía de Arousa
Praza Ravella, n° 1. 36000 - Vilagarcía de Arousa
- Aviso Legal - Créditos -