CONCELLO
O Concello renova os postos de socorrismo das praias Compostela e o Campanario Os postos de socorro das praias da Compostela e do Campanario lucirán a partir nova imaxe grazas ás novas casetas adquiridas polo Concello e cuxa instalación comezou hoxe mesmo. Cun investimento de 26.600 euros, a administración local comprou dous módulos cos que mellorar os equipamentos deste servizo de praias, renovación que se ía a acometer ao inicio da temporada estival, pero que se demorou máis do previsto debido ás consecuencias do paro da actividade durante o estado de Alarma. En calquera caso, tanto o posto da praia de Bamio como o da Concha Compostela contan dende hoxe cunha nova caseta para albergar a zona de atención de primeiros auxilios e para uso dos socorristas.
20.08.2020.- As casetas teñen unhas dimensións de 6 metros de largo por 2,40 de ancho. Trátase de estruturas metálicas con recubrimento fenólico que lle aporta unha aparencia similar á madeira, pero que ten unha maior resistencia e duración, e non precisa de mantemento. Ademais, os módulos dispoñen de illamento térmico, o que proporcionará maior confort aos usuarios das instalacións.
No caso da praia de Bamio, a nova caseta substitúe á que había ata agora, que se retira do areal. Na Compostela, a instalación do módulo novo convivirá coas vellas instalacións que se manterán de forma provisional como zona de almacén de material e vestiarios de uso interno dos socorristas.
O Concello ten previsto continuar nas vindeiras temporadas coa mellora das infraestruturas e equipamentos destinados aos servizos de praias, renovando o resto das casetas dos postos de socorro e outro tipo de instalacións, como as torres de vixilancia, nas que este ano se fixeron os correspondentes arranxos para mantelas ata que sexa posible a adquisición de novas estruturas.
Por outro lado, aproveitando á instalación na nova caseta, o posto de socorrismo da praia da Concha-Compostela desprazarase uns metros cara ao norte. A medida ten por obxecto mellorar a operatividade do servizo de vixilancia, que quedou descompensado coa demolición do CIRA, ao ampliarase a zona visual de baño que atenden os socorristas, practicamente ata o espigón do lavadoiro, quedando moita máis superficie que abarcar cara a zona norte do areal que cara a sur. O posto de socorro situarase a partir de agora fronte o parque da Compostela, nun punto equidistante entre ambos extremos do areal.