AVISOS
Amplíase ata o mércores o prazo de inscrición nos campamentos urbanos de verán para rapazada de 5 a 8 anos A Concellería de Xuventude amplía ata o mércores, 15 de xullo o prazo de inscrición no Campamento Urbano de Verán para nenos e nenas de 5 a 8 anos de idade que se celebrará durante o mes de agosto. O Concello ofertaba 49 prazas para o mes completo de actividade, pero habendo familias inscritas que so necesitan conciliar durante períodos de 15 días, permítese o acceso de máis cativos para cubrir as prazas non utilizadas no resto do período. As actividades son de carácter gratuíto para familias cuxos proxenitores se atopen en situación laboral activa o en ERTE, dada a finalidade conciliadora dos campamentos.
13.07.2020.- Como xa se dixo, os campamentos seguirán un estrito protocolo de seguridade en relación ás normas de protección do coronavirus, como repartirse en catro sedes (A Lomba, Arealonga, Piñeriño e Filipense), traballar con grupos moi reducidos (de entre 5 e 7 nenos), e desenvolver as actividades en espazos ao aire libre sempre que as condicións meteorolóxicas o permitan e, de non ser o caso, en zonas espaciosas e ben aireadas. Ademais, haberá un coordinador do protocolo COVID ara facer seguimento e controlar que se cumpran todas as normas.
As bases de participación xunto cos formularios de inscrición están dispoñibles no taboleiro de anuncios da web municipal http://www.vilagarcia.gal e na sede.vilagarcia.gal
Listas de admitidos nas actividades para maiores Por outro lado, xa se publicaron as listas de admitidos nos Campamentos Urbanos de Verán para a rapazada de maior idade. A inscrición acada os 33 participantes que se repartirán nas cos campamentos Multiaventura e Medioambiental, cada un dos cales terá un grupo de 8 a 11 anos e outro de 12 a 16. A primeira das actividades comeza a impartirse o 27 de xullo. As listas pódense consultar no taboleiro de anuncios de http://www.vilagarcia.gal