URBANISMO
Xunta e Concello repasan o proxecto corrixido do Plan Xeral de Ordenación Urbana A Dirección Xeral de Urbanismo acolle este mediodía unha reunión de traballo para avanzar na tramitación do novo Plan Xeral de Ordenación urbana Municipal e Vilagarcía de Arousa. Unha vez atendidos todos os requirimentos sinalados pola administración autonómica e realizadas as correccións pertinentes, a concelleira de Urbanismo acompañada do director do equipo redactor, Alfonso Botana, e dos técnicos municipais repasarán cos técnicos de Urbanismo da Xunta o documento co obxecto de darlle paso á seguinte fase.
08.07.2020.- Como xa se sabía, o traballo que tivo que realizar o equipo redactor nestes meses foi bastante minucioso xa que a meirande parte referíase á correccións na planimetría que leva o seu tempo realizar. Hoxe revisaranse todos eses aspectos para poder pasar ao seguinte trámite do proceso que é o de solicitar os preceptivos informes sectoriais aos departamentos e organismos autonómicos e estatais. Unha vez solicitados, os departamentos dispoñen de 2 meses para aportalos. De cumprise estes prazos e contando, como se espera, que todos sexan favorables, o Concello calcula que a aprobación inicial do novo PXOUM por parte do Pleno poderá realizarse antes de que remate o ano.