VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CULTURA
As invitacións para o Clasclás no Alobre do venres, xa se poden recoller no Auditorio
As invitacións para asisitir ao Clasclas no Alobre, a primeira das actividades da edición especial do clasclas 2020 que terá lugar este venres, 3 de xullo, xa se poden recoller no Auditorio de Vilagarcía, dende as 11 ás 13 horas. Entregaranse só dúas ivitacións por persoa ata completar o aforo do recinto, que dadas as condicións impostas pola actual normativa, queda limitado a 180 prazas.

01.07.2020.- A velada arrincará ás 22 horas cunha pinchada de música clásica a cargo do xornalista musical Carlos Crespo. De seguido dará comezo o concerto a cargo de Cristian Silva (frautas e gaita) e Xosé Piñeiro (guitarra), que interpretarán un repertorio de música antiga. Tralo concerto proseguirá a pinchada de música clásica ata a medianoite.

Entrementres se suceden as actuacións musicais, Xoán Mariño e Erea Hierro encargaranse de contextualizar o evento e o lugar no que ten lugar, un espacio histórico e emblemático como é o Castro Alobre que por vez primeira acolle unha actuación musical.

O público permañecerá obrigatoriamente sentado. Para iso delimitaranse, respectando a distancia de seguridade, unhas zonas circulares que semellan os espazos habitados do antigo castro, nas que se agruparán as cadeiras.
A asociación de hostaleiros de Vilagarcía instalará unha barra no recinto na que se servirán bebidas e cócteles.

O acceso ao recinto será pola entrada da rúa Vista Alegre. Os asistentes deberán obrigatoriamente acceder con máscara e permanecer con ela posta ata o momento no que estean sentados na súas cadeiras.

< volver

+ titulares