VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

OBRAS E SERVIZOS
Os técnicos avalían as propostas para executar as obras do saneamento a Pedramogueira e da terraza do Auditorio
O Concello de Vilagarcía está a piques de poder adxudicar as obras de ampliación da rede de saneamento no lugar de Pedramogueira e o arranxo da terraza do Auditorio Municipal. Os prazas de presentacións de propostas por partes das empresas interesadas remataron hai días en ámbolos dous concursos, polo que os técnicos ocúpanse estes días de avaliar as ofertas cursadas, 36 para a actuación en Renza e 29 para a das instalacións culturais. O seguinte paso será a adxudicación dos traballos, proceso que se levará a cabo nas vindeiras semanas e que permitirá poder iniciar a execución dos traballos.

27.05.2020.-O Concello licitou por importe de 151.830 euros a obra de ampliación do saneamento no lugar de Pedramogueira, unha actuación complicada tecnicamente debido á orografía da zona, moi elevada e con grandes diferenza de cota nun curto espazo. A execución dos traballos permitirá estender a rede municipal de saneamento para facela chegar ata un pequeno núcleo de vivendas situada na parte máis alta desta zona do lugar de Renza. Deste xeito, o goberno que preside Alberto Varela atende unha demanda que os veciños viñan planteando dende hai máis dunha década.

O arranxo e impermeabilización da terraza principal do Auditorio sacouse a licitación por importe de 268.670 euros. Con estes traballos o Concello pretende resolver os problemas de filtracións que sofren os baixos do Auditorio procedentes da terraza, así como fixar correctamente as lousas que compoñen o solado, que se levantan e moven dificultando a mobilidade das persoas. A obra finánciase con fondos do Plan Concellos da Deputación.

< volver

+ titulares