SERVIZOS SOCIAIS
Os cemiterios municipais de Vilagarcía e Carril volven a abrir pero esixindo o cumprimento das normas de distancia e hixiene Os cemiterios municipais de Vilagarcía (Rubiáns) e Carril abriron hoxe as súas portas de novo, recuperando os seus servizos e horarios, de luns a domingos, de 10 da mañá a 8 da tarde. Con todo, dende o Concello lémbrase a todos aqueles que se desexen visitar o camposanto deben cumprir estritamente coas normas de distancia física e de hixiene derivadas do actual estado de alarma. Así, nas entradas dos dous cemiterios xa se advirte a través de carteis que os visitantes deben estar a dous metros de outra persoa e, así mesmo, que deben usar, mentres permanezan no recinto, tanto luvas como máscaras de protección.