_ Buzón do Alcalde Trámites Administrativos Turismo Enlaces
4O CONCELLO
:VILAGARCÍA TURISMO:
_LA CIUDAD
_THE CITY
CONCELLO
O Concello crea en Fexdega un albergue con capacidade para 35 personas sen fogar

O pavillón feiral de Fexdega convértese dende hoxe nun albergue con capacidade para 35 persoas sen fogar. A decisión inscríbese dentro do plan de atención psicosocial de urxencia elaborado polo Concello en colaboración coas ONGs coas que colabora habitualmente. Con esta medida, o albergue de Cruz Vermella, na praza da Constitución, queda pechado e tamén se elude ter que recorrer, como nos últimos días, ao pago de hostais para acoller ás persoas sen fogar que así o demandan. Ao tempo, se centralizan os servizos e a atención e se garante o confinamento que afecta a toda a cidadanía mentres dure o estado de alarma no Estado.
20.03.2020. Na posta en marcha do albergue de Fexdega colaboraron distintos servizos do Concello, ademais da Cruz Vermella e Cáritas, cuxos voluntarios, xunto cos operarios municipais, traballarán no desenvolvemento do servizo. Durante a estancia, os usuarios terán, ademais de aloxamento, manutención, esta a través dun cátering. Igualmente, terán acceso aos servizos de hixiene do pavillón feiral (aseos, duchas, etcétera). Tamén, e segundo o protocolo deseñado por Servizos Sociais, poderán contar con actividades de animación ao longo do día, sempre respectando a orde de confinamento.

As camas están distribuídas nun espazo acoutado dentro do propio pavillón, diferenciando así mesmo a zona para homes e para mulleres, e garantindo a ventilación do aire. Nunha zona contigua habilitouse o comedor, con mesas individuais que manteñen unha prudente distancia de seguridade entre unhas e outras.

Normalmente, o albergue de Cruz Vermella atende, en colaboración co Concello, ata dez persoas. Nos últimos días, superada esa cantidade, houbo que recorrer ao pago de hostais. Hoxe, en Fexdega durmirán 20 persoas, 17 homes e tres mulleres. En previsión do que poida suceder nos vindeiros días, aínda quedan 15 prazas libres.

Aínda que se trata dun número limitado de persoas, a decisión de unificar en Fexdega o servizo de albergue ás persoas sen fogar inscríbese dentro dun plan máis ambicioso do Concello para aqueles cidadáns que teñen máis dificultades para afrontar a actual crise, especialmente as persoas maiores dependentes, as inmunodeficientes e as que sofren algún tipo de risco psicosocial. Nese plan participan técnicos e auxiliares de distintos departamentos (Servizos Sociais, Igualdade, Protección Civil, Policía Local, Obras, etcétera), ademais dos voluntarios de ONGs como Cruz Vermella, Cáritas ou Arousa Moza, o que permite achegar alimentos ou medicinas a aqueles que non poden, aínda que quixeran, saír á rúa.

4Participación CIDADÁ
_Escribe o teu ALCALDE
_Regulamento de Particip.
_Queixas e Suxestións
Trámites Administrativos
  Municipais / No Municipais
»
4DÍA A DÍA
    Abr 2020  
L
M
X
J
V
S
D
   
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
     
P.X.O.M.
voluntariadogalego.org


[Inicio] [Información Turistica] [Trámites Administrativos] [Ordenanzas] [Taboleiro de anuncios] [Buzón de Suxestións]
[Novas Concello] [Axenda Cultural] [Revista Municipal] [Plan Xeral de Urbanismo] [Vilagarcía en cifras]
[Gabinete de Comunicación] [Postales] [Mapa e Rueiro] [Enlaces] [Contacto]

© 2020. Concello de Vilagarcía de Arousa
Praza Ravella, n° 1. 36000 - Vilagarcía de Arousa
- Aviso Legal - Créditos -