CULTURA
A música regresa este domingo ao Salón García cunha Marem Ladson que abre o ciclo “Achégate ao Salón” O ciclo de concertos matutinos “Achégate ao Salón” organizado pola Concellería de Cultura do Concello de Vilagarcía arranca este domingo, 16 de febreiro co actuación de Marem Ladson. A xoven compositora hispano estadounidense amosará ao público que acuda ao Salón García a súa particular e persoal forma de enfocar a música bebendo das fontes do pop e do folk. O concerto comeza ás 12.30 horas e aínda quedan entradas.
12.02.2020.- Marem Ladson naceu en Ourense onde comeza a tocar a guitarra aos nove anos, compoñendo a súa primeira canción en sexto de Primaria. Pronto sente unha gran admiración por Bob Dylan, sendo o primeiro artista que lle marcou. Marem desenvolve aos poucos un conxunto de cancións que beben do folk e do pop, de artistas como Laura Marling, Fiona Apple, Regina Spektor ou Alondra Bentley.
A cantautora hispano-estadounidense brilla cun único single, “All My Storms” (Mont Ventoux, 2017), que deseguido a pon en primeira plana. Dá os seus primeiros pasos no Café & Pop Torgal ourensán, saltando a escenarios como os do Monkey Week, Vida ou Dcode, onde ese 2017 gana o concurso de bandas emerxentes con tan só 19 anos. Tamén actúa como teloneira de Dirty Ray (Immaculate Fools), Laura Gibson e Alondra Bentley.
De balde para os desempregados
Aínda quedan entradas para asistir ao concerto de Marem Ladson deste domingo. O prezo para adultos é de 12 euros e os menores de 16 anos so terán que abonar 5 euros. Os desempregados poderán obter entrada de balde sempre que acrediten a súa condición de beneficiario coa tarxeta de desempregado. As entradas pódense adquirir de forma anticipada (máis custes de xestión) a través da web http://www.ataquilla.com e do teléfono 902 504 500. De non esgotarse antes, tamén se poderán mercar no propio Salón García a partir das 10.30 horas do domingo.
O ciclo musical “Achégate ao Salón” componse este ano de tres concertos. Ademais de Marem Ladson, haberá actuacións de Nacho Vegas, o 22 de marzo, e de Baiuca o 26 de abril. A Concellería de Cultura tamén oferta a venta de abonos para asistir a todos os concertos. Aínda hai abonos dispoñibles ao prezo de 25 euros en ataquilla.