MEDIO AMBIENTE
O auditorio acolle o venres unha xornada técnica sobre o impacto das especies vexetais invasoras centrada na mimosa A proliferación de especies vexetais foráneas invasoras nos nosos montes e ecosistemas é unha problemática que repercute directamente na flora autóctona e mesmo na riqueza dos nosos solos. A repercusión da presenza e extensión deste tipo de especies exóticas invasoras é un dos aspectos que se vai a trata na xornada técnica que a FEGAMA imparte ente venres no Auditorio Municipal de Vilagarcía e que está a aberta a todo tipo de público, pero especialmente a comuneiros, propietarios forestais e técnicos agrícolas.
10.12.2019.- A Federación Galega de Medio Ambiente (FEGAMA) organiza a actividade que financia a Deputación Provincial de Pontevedra e na que colabora o Concello de Vilagarcía. A xornada enmárcase nunha campaña de sensibilización e prevención que presta especial atención á Acacia Dealbata L.unha especie foránea moi estendida nos nosos montes, máis coñecida como “mimosa”. A charla ten como obxectivo informar á poboación sobre o impacto que teñen as especies exóticas invasoras en xeral, así como da prevención e control da acacia dealbata.
A xornada técnica terá lugar o venres, 13 de decembro, no seminario 2 do Auditorio, entre as 12 e as 14 horas.