VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

XUVENTUDE
Aberta a inscrición gratuíta no campamento urbano de Nadal para rapazada de 3 a 7 anos
A Concellería de Xuventude do Concello de Vilagarcía informa ás familias de que o luns, 11 de novembro, ábrese o período de inscrición nos Campamentos Urbanos de Nadal para nenos e nenas de idades comprendidas entre os 3 e os 7 anos. A participación neste programa lúdico-educativo e de conciliación familiar é gratuíta. Os formularios para anotarse e as bases da convocatoria están dispoñibles no taboleiro de anuncios da web municipal http://www.vilagarcia.gal e na sede.vilagarcia.gal e deberán presentarse, debidamente cubertos e xunto coa documentación requirida, no Rexistro Xeral do Concello en horario de 8.30 a 14.30 horas, de luns a venres, ou a través do da sede electtónica. O prazo de inscrición remata o 28 de novembro.

11.11.2019.- O Campamento Urbano de Nadal celebrarase nas dependencias do CEIP da Lomba coincidindo co período vacacional nos colexios, é dicir, os días 23, 24, 26, 27, 30 e 31 de decembro e 2 e 3 de xaneiro. As actividades desenvolveranse en horario de mañá (de 9 a 14 horas). Os únicos requisitos que deben cumprir os nenos e nenas para participar son estar empadroados en Vilagarcía e ter nacido entre o 1 de xaneiro de 2012 e o 31 de decembro de 2016.

No caso de que o número de solicitudes supere ao de prazas dispoñibles, estas adxudicaranse mediante sorteo público a realizar o día 11 de decembro ás 12 do mediodía no Concello. En calquera caso, terán preferencia os fillos e fillas de mulleres vítimas da violencia de xénero, así como os derivados dos Servizos Sociais do Concello, para os que se reserva unha porcentaxes de ata o 25% do número total de prazas.

Unha vez cuberto o formulario deberá presentarse, xunto coa documentación indicada nas bases, no Rexistro Xeral do Concello en horario de 8.30 a 14.30 horas, de luns a venres, ou a través do rexistro telemático (sede.vilagarcia.gal).

< volver

+ titulares