VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
Aberto o prazo de presentación de ofertas para a substitución dos portais e mellora da cuberta do garaxe de Emerxencias
O Concello de Vilagarcía continúa co proceso de mellora do edificio municipal que alberga as sedes da Escola Obradoiro e do Servizo Municipal de Emerxencias iniciado hai uns anos co remate e acondicionamento das fachadas. Nesta ocasión, a actuación a realizar afectará a zona do edificio dedicada ao garaxe do servizo de Emerxencias, onde se procederá a substituír o material de cobertura e se instalarán tres portais. O proceso de licitación da obra xa está iniciado e as empresas dispoñen de prazo ata o 9 de outubro para presentar as súas propostas.

23.09.2019.- O contrato licítase por importe de 57.045 euros e ten un prazo de execución de 2 meses. Con estas actuacións preténdese, por un lado, acabar coas filtracións e humidades que se rexistran actualmente na nave debido ao mal estado da cobertura de chapa e, por outro, mellorar o funcionamento e operatividade do servizo cos novos portais que, deste xeito contará cun pechamento móbil.

Esta actuación súmase á levada a cabo hai dous anos, cando o Concello tamén investiu 60.100 euros en rematar as fachadas do edificio situado na avenida Agustín Romero, que levaba décadas sen rematar e cuxa situación estaba deteriorando o interior do inmoble. Estas obras consistiron no remate das fachadas mediante a instalación dun illamento térmico e revestimentos das paredes exteriores, no saneamento das paredes e pintado dos claros, limpeza e retellado a cuberta e substitución sas claraboias do baixo cuberta.

< volver

+ titulares