VILAGARCIA DE AROUSA

CONCELLO
Afectados polas listas de espera da Sanidade comunican ao alcalde a creación dunha plataforma de nivel comarcal
O alcalde de Vilagarcía, Alberto Varela, recibiu no Concello a unha representación do colectivo de Afectados polas listas de espera da Sanidade Pública, que solicitara o encontro co rexedor para expoñerlles a situación e comunicarlle os seus plans, o máis inmediato, a constitución en plataforma de ámbito comarcal. Ao encontro asistiron tamén as concelleiras de Sanidade, Matilde Laya e de Servizos Sociais, Tania García.

30.08.2019.- Os asistentes á reunións comentaron cons edís os seus casos concretos e a situación xeneral que se da nas longas demoras, de varios meses en moitos casos, para ser atendidos por especialistas ou para a realización de determinadas probas médicas que poden ser vitais na detección precoz de enfermidades ou para evitar doenzas que conlevan dor ou se poden agravar co paso do tempo. E tamén puxeron en evidencia as listas de espera para pasar consulta co propio médico de familia na atención primaria, situación agravada nos últimos dous anos.

O grupo de afectados polas listas de espera explicaron a necesidade de agruparse para ter constancia do maior número de casos co obxectivo de denuncialos facer presión ante a Xunta de Galicia para que corrixa a grave situación da sanidade galega. Por iso, xa comezaron a dar os primeiros pasos para constituír unha Plataforma de Afectados polas Listas de Espera de ámbito comarcal.

O goberno local comparte a preocupación e o malestar existente polas deficiencias de funcionamento do Sergas e a negación da Xunta de Galicia da existencia de problemas en xeral, e máis en concreto no Centro de Saúde de San Roque en Vilagarcía e no propio Hospital do Salnés, que son os casos coñecidos directamente en Vilagarcía e obxecto de reiteradas queixas e denuncias por parte de usuarios, profesionais dos propios centros sanitarios tamén do Concello que leva anos esixindo a construción dun novo centro de saúde e a dotación dos medios materiais e humanos necesario para a correcta prestación dos servizos á cidadanía.

O executivo socialista transmitiu aos Afectados polas listas de Espera todo o seu apoio e puxo a súa disposición un local no Auditorio para que o poidan utilizar un día á semana como punto de información ao que se poidan dirixir as persoas que queiran denunciar o seu caso ou recibir asesoramento.

O colectivo manterá nos próximos días outro encontro, neste caso co portavoz socialista de Sanidade no Parlamento galego, Julio Torrado.