VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

TURISMO
O Concello pon á disposición dos veciños 130 prazas para asistir Ruta Xacobea do Mar de Arousa e Ulla o 21 de xullo
Como vén sendo habitual dende hai anos, o Concello de Vilagarcía promoverá a participación na Ruta Xacobea do Mar de Arousa e Ulla invitando a asistir a ela de xeito totalmente gratuíto a 130 veciños da cidade. A Concellería de Turismo contrata dúas embarcacións para facilitar a asistencia dos vilagarciáns a este evento anual que mestura tradición, cultura, relixiosidade e turismo. A ruta celébrase o domingo 21 de xullo pola tarde e os interesados deberán inscribirse para participar no sorteo mediante o cal se adxudicarán as prazas.

09.07.2019.- As persoas que desexen participar na Ruta Xacobea do Mar de Arousa e Ulla terán que inscribirse mediante solicitude presentada no Rexistro do Concello, na sede electrónica sede.vilagarcia.gal ou a través do mail oficinaturismo@vilagarcia.gal . Unha mesma persoa non poderá figurar en máis de unha solicitude. O prazo de presentación está aberto do 10 ao 16 de xullo e o formulario de inscrición, así como as bases que rexerán o sorteo, poden obterse no taboleiro de anuncios do portal municipal http://www.vilagarcia.gal , na oficina de turismo do Cavadelo e na sede electrónica.

A cada solicitude asignarase un número de orde para o sorteo que terá lugar o día 17 de xullo ás 12 horas no Concello. As persoas que obteñan prazas serán avisadas por teléfono en horario de mañá. Se algunha das persoas que confirmaron a súa asistencia logo decidira non acudir, deberá comunicalo na maior brevidade, á oficina de Turismo, no teléfono 98650122, ao obxecto de adxudicar a súa praza á seguinte da lista.

As embarcacións do Concello de Vilagarcía zarparán ás 16.30 horas do Peirao de Pasaxeiros, polo que os participantes na ruta deberán embarcar ás 16:15 horas presentando o seu DNI.

< volver

+ titulares