CULTURA
Xaquín Chaves regresa á Rivas Briones con "Travelling" O artista vilagarcián Xaquín Chaves Expo volve a expoñer na Sala Anton Rivas Briones, con "Travelling", unha mostra multidisciplinar e ecléctica composta por unha trintena de pezas, principalmente pintura, pero tamén escultura e unha instalación. De modo premeditado, o artista vilagarcián, expón obras de diferentes estilos para amosar o resultado da súa longa traxectoria profesional e artística. Neste sentido, trátase dunha exposición icónica que define a obra de Chaves e para a cal el mesmo realizou unha coidadosa selección das obras.
03.05.2019.- Ademais das súas esculturas e pinturas, de diferente formato, técnicas e estilo, “Travelllin” inclúe unha chamativa instalación creada de forma conxunta por Chaves e José Bravo. Elaborada con 20 quilómetros de fío acrílico, a instalación elástica ocupa un lugar predominante da Sala Rivas Briones: o lucernario. Espazo e obra forman un conxunto espectacular e único. A mostra poderase visitar ata o 12 de xuño.