VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

DEPORTE
O Concello avalía as ofertas de dez empresas para adxudicar a obra da cuberta da grada de preferente da Lomba
O servizo de Contratación do Concello de Vilagarcía esta avaliando as 10 propostas presentadas por outras tantas empresas de construción interesadas en facerse co contrato para a reforma da cuberta da grada de preferente do campo de fútbol municipal da Lomba. O Concello investirá nesta actuación 181.442 euros co obxectivo de resolver os problemas de filtración de auga que sofre a vella cuberta baixo a que se resgarda o público que acude a presenciar os partidos á Lomba.

08.04.2019.- A actuación enmárcase no plan de mantemento e mellora das infraestruturas deportivas que leva a cabo o Concello e financiarase con fondos do Plan Concellos da Deputación correspondentes aos exercicios 2018/19. O proxecto ten un prazo de execución de 3 meses.

A obra proxectada polo Concello comezará cunha actuación de restauración e reforzo da estrutura que soporta a cuberta, consistente na eliminación de óxidos e tratamento dos piares para sanealos e reforzalos convenientemente. A actual será desmontada por unha empresa autorizada e seguindo os procedementos establecidos pola lexislación vixente ao tratarse de materiais que conteñen amianto. Por último, instalarase a nova cuberta de paneis de chapa grecada. A xeometría e as características construtivas do novo tellado serán similares á da grada principal ou de tribuna. A actuación tamén prevé a instalación de pasamáns e varandas protectoras nas zonas de escaleiras.

< volver

+ titulares