VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

OBRAS E SERVIZOS
O Concello ensancha a vía de servizo entre Fontecarmoa e a conexión á Vía Rápida
Os traballos de acondicionamento como aparcadoiro de parte dos terreos adquiridos polo Concello para ampliar a piscina municipal permitiron levar a cabo unha actuación de mellora da seguridade viaria co ensanche da vía de servizo que une o complexo multideportivo de Fontecarmoa co nodo enlace á vía rápida do Salnés e ao vial portuario. Coa retirada do muro de peche da parcela que lindaba co camiño gañáronse dous metros de ancho na calzada pola que agora poderán cruzarse dous vehículos sen problema.

04.04.2019.- Os operarios municipais destinaron as dúas últimas xornadas a retirar o muro de pedra. Esta actuación tamén repercutirá nunha maior seguridade viaria posto que se abre a vía xunto no cruce no que apenas se carecía de visibilidade.

O Servizo Municipal de Obras traballa dende o luns na parcela situada tras o edificio da actual piscina. Estanse a explanar os terreos para habilitar unha nova bolsa de estacionamento público e gratuíto para dar servizo ás instalacións deportivas municipais e para servir como aparcamento disuasorio. Inicialmente destinaranse a este fin uns 1000 metros cadrados de terreo, superficie que podería variar unha vez executada a ampliación da piscina no resto da parcela. Tamén se comezaron as labores de desbroce do solar para o novo Cuartel da Garda Civil, que grazas ás xestións realizadas polo alcalde, tamén se poderá usar como estacionamento disuasorio ata que se execute a obra.

< volver

+ titulares