CULTURA
Corey Harris e a súa banda ofrecen o venres 22 un concerto gratuíto nunha “Noite deBlues” Corey Harris, considerado un dos máis importantes representantes da denominada Roots Music (música de raíz americana), ofrecerá o vindeiro venres, día 22, un concerto gratuíto no auditorio municipal acompañado pola súa banda nunha “Noite de Blues”. Dúas horas antes, un dos membros do grupo e tamén director da Escola do Blues de Madrid, José Luis Pardo, impartirá unha charla sobre este xénero musical.
16.03.2019. Corey Harris é un eximio guitarrista e cantante de country blues que chegou a xirar co mítico B.B. King e foi obxecto dun documental dirixido por Martin Scorsese. Pero, ademais, Harris é tamén un gran intérprete da música africana de raíz. Deste xeito, os seus espectáculos en formato eléctrico –que será o caso de Vilagarcía, o venres- con unha verdadeira viaxe por todas as orixes das músicas que escoitamos hoxe en día: do blues ao reggae pasando por todas as músicas negras intermedias como yoruba, cajun e bolero, entre outras.
Harris naceu en Denver, Colorado, o 21 de febrero de 1969, e comezou a tocar la guitarra aos 12 anos, despois de escoitar os discos de Lightnin 'Hopkins da súa nai. Antropológo de formación, viaxou a África, onde estudiou a música deste continente e se deixou seducir polos seus complexos poliritmos. De volta a Estados Unidos, fíxose moi popular en Nueva Orleáns, mesturando os ritmos desta singular capital musical. Ao longo da súa carreira ten publicado varios discos.
A banda coa que actuará en Vilagarcía é moi demostrativa da súa música e a súa aposta pola mestura cultural: Akin Akinsola, batería; Orgun Beat, baixo; Guillermo Raices, teclados; e José Luis Pardo, guitarra.