VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

MULLER
Unha activista no asociacionismo feminino lerá o manifesto do Día da Muller Traballadora
Unha activista no asociacionismo feminino, Teresa Cuíña, é a persoa elixida polo Consello Local da Muller para ler o manifesto do 8M. O acto adiántase un día para non coincidir coa Folga de Mulleres convocada para o venres 8 de marzo, polo que o acto terá lugar mañá xoves, ás 12 do mediodía diante do consistorio. O venres tamén haberá unha concentración das traballadoras do Concello á que invitan a asistir a todas as persoas que desexen poñer de manifesto as reivindicacións de igualdade do colectivo feminino.

06.03.2019.- Teresa Cuíña, actualmente xubilada, representa ás mulleres traballadoras de Vilagarcía. Ela desempeñou a súa vida laboral nas Oficinas da Cámara Agracia do municipio durante moitos anos, incluso en épocas en que a muller apenas estaba presente no eido laboral, e foi unhas das principais impulsoras do movemento asociacionista feminino, colaborando na creación das primeiras asociación de mulleres rurais coa chegada da Democracia.
Cuíña lerá en Ravella o manifesto elaborado polo Consello local da Muller e aprobado polo Pleno de Vilagarcía. O acto terá lugar mañá, xoves ás 12 do mediodía e dende a Área de Igualdade do Concello chaman á participación da cidadanía.

O venres 8M tamén se celebrará unha concentración a mediodía fronte o Concello. Neste caso estará protagonizada polas traballadoras do consistorio que se suman á folga de mulleres na modalidade de xornada completa ou do paro de dúas horas. A concentración centrarase nas dúas horas do paro, de 12 a 14 horas e está aberta a toda a poboación.

O actos organizados pola Área de Igualdade do Concello para conmemorar o 8M continuará o sábado co Maratón Fotográfico.

< volver

+ titulares