VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
Adxudicadas as obras de mellora do edificio do centro socio comunitario do Ramal
A Xunta de Goberno Local acordou onte adxudicar á empresa Coto de Uz Proyectos y Obras S.L. as obras de mellora do edificio da antiga Aduana do Ramal, hoxe convertido en centro socio comunitario. Os traballos contratáronse por importe de 51.550 euros e consistirán en diversas actuacións tendentes a subsanar os problemas de humidade e filtracións que rexistran as instalacións. Para financiar esta obra, o Concello conta cunha subvención de 27.923 euros da Deputación Provincial de Pontevedra.

05. 03.2019.- O proxecto elaborado polo Concello prevé actuar tanto no exterior como no interior do edificio co obxectivo de garantir a súa conservación e mantemento –trátase dun edificio catalogado- e mellorar as condicións de uso por parte das persoas que o frecuentan.

As obras a levar a cabo no exterior consistirán en restaurar a antiga carpintería de madeira do ático, así como as varandas de ferro dos balcóns deste mesmo andar. E para acabar coas filtracións de auga que teñen a súa orixe nas cornixas dos muros, instalarse unha protección de chapa de zinc que facilite a evacuación de augas cara fora. Tamén se levantará o pavimento das terrazas do ático, que se atopan en bastante mal estado e nas que medra vexetación que obstrúe os desaugadoiros. Instalarase unha lámina impermeabilizante e arranxaranse as baixantes.

De portas cara dentro, as humidades presentes nos tabiques interiores resolveranse localizando e arranxando os puntos de fugas das vellas tubaxes de auga e calefacción que discorren empotradas nas paredes. Reporanse os tabiques afectados e substituiranse os falsos teitos en mal estado.

< volver

+ titulares