AVISOS
A Escola Infantil Municipal abre o 1 de marzo o período de renovación de praza para alumnos xa matriculados O departamento de Servizos Sociais da Área de Benestar informa de que os alumnos xa matriculados na Escola Infantil Municipal e que desexen continuar no centro o vindeiro curso, deberán solicitar a renovación de praza. O período ábrese o 1 de marzo. Posteriormente abrirase un segundo prazo de reserva de praza para alumnos de novo ingreso.
19.02.2019.- As familias que xa contan con nenos escolarizados na Escola Infantil Municipal e que pretendan mantelos no centro durante o curso 2019/20 poderán tramitar as súas reservas do 1 ao 15 de marzo. Os interesados deberán recoller os formularios de solicitude na propia gardería, onde tamén figura o listado coa documentación que deben achegar, e presentalo todo, debidamente cuberto e dentro do prazo sinalado no rexistro Xeral do Concello.
Os nenos e nenas matriculados en horario de tarde no presente curso, só poderán reservar praza nese mesmo horario. No caso de querer dispor de praza de mañá terían que presentar a solicitude de novo ingreso, no segundo prazo de reserva, e serán novamente baremados.
Unha vez rematado o período de renovación, abrirase o proceso de solicitude de praza para alumnos de novo ingreso, cuxo prazo serán debidamente comunicado.