TERCEIRA IDADE
Esta semana comezan as charlas divulgativas sobre envellecemento activo organizadas pola Concellería O ciclo de charlas sobre envellecemento ativo que organiza a Área de Persoas Maiores do Concello ábrese esta semana. A primeira das tres sesións divulgativas previstas celebrarase o venres, 15 de febreiro, ás 18:00 horas na sala de conferencias do Auditorio. Tratará sobre hábitos de vida saudables e será impartida polo fisioterapeuta colexiado, Ricardo Pereira Vara.
11.02.2019.- Con este programa de charlas divulgativas, o departamento que dirixe Tania García, pretende informar ao colectivo de maiores sobre diversos aspectos a ter en conta para previr problemas, así como para mellorar a súa mobilidade, benestar e calidade de vida. Aínda que a actividades está dirixida principalmente ao colectivo das persoas maiores, poderá asistir ás charlas calquera persoa interesada no tema. A entrada é libre e de balde e non precisa inscrición previa. As seguintes sesións, xa a celebrar en marzo tratarán sobre “Envellecemento activo” e a “Prevención de caídas”.