VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

OBRAS E SERVIZOS
O Concello ensanchará o camiño de O Lago, en Castroagudín, e dotarao de saneamento
O Concello de Vilagarcía continúa co seu plan de mellora das infraestruturas do rural. A última actuación licitada é a obra de ensanche e dotación da rede de saneamento no camiño de O Lago, na parroquia de Castroagudín, na que a administración municipal investirá case 50.000 euros. O goberno local da resposta deste xeito a unha demanda trasladada polos veciños da zona que debido aos escasos 3 metros de ancho dos que dispón actualmente o camiño, non podían acceder cos vehículos ata as súas vivendas.

20.12.2018.- A actuación promovida pola Concellería de Obras e Servizos que dirixe Lino Mouriño prevé actuar ao longo de 114 metros do camiño. Para poder darlle máis ancho é preciso facer un desmonte e construír un muro de contención en mampostería da mesma lonxitude que permita asegurar a estabilidade do talude de terra. O muro construirase con pedra granítica e terá unha altura variable de ata 3 metros. Para a súa execución deberá executarse previamente a escavación e cimentación.

Aproveitando esta obra, e para continuar coas labores de ampliación dos servizos básicos no rural, o Concello prevé neste mesmo proxecto ampliar a rede de saneamento de Castroagudín, para o cal instalará ao longo deste camiño os colectores do servizo municipal que se conectarán no entronque que da servizo á parroquia. Esta medida permitirá que as vivendas emprazadas ao carón do camiño de O lago poidan conectarse a rede pública de saneamento.

A ampliación deste servizo materializarase coa instalación dun colector de PVC de 315 milimetros de diámetro, nunha lonxitude de 100 m, e coa execución das pertinentes obras complementarias de escavación de gabias, pozos de rexistro e conexión coa rede xeral.

A obra saíu a licitación por importe de 49.668 euros e un prazo de execución de 2 meses.

< volver

+ titulares