VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

MEDIO RURAL
Remata a ampliación de pluviais na rúa Loureiro e ultímase a mellora de camiños en Galáns e Eiviño
A Rúa Loureiro, en Trabanca Sardiñeira, volve a estar aberta tras o remate das obras de ampliación do servizo de recollida de pluviais levadas a cabo polo Concello de Vilagarcía. Tamén están a piques de rematar as actuacións de mellora de camiños que se están desenvolvendo dende hai uns días na Rúa Galáns e en Monte Eiviño. As tres obras promovidas polo Concello enmárcanse no plan de melloras de infraestruturas do rural vilagarcián.

19.12.2018.- A obra realizada na Rúa Loureiro, en Trabanca Sardiñeira, ten como obxectivo canalizar axeitadamente a recollida de augas pluviais para evitar que estas escorreguen cara o interior dunhas vivendas da rúa, como estaba a acontecer ata o de agora. A actuación supuxo un investimento de 11.791 euros e os traballos executounos Espina e Delfín. O Concello confía en que a obra poña fin ao problema que estaban a padecer dende hai tempo os propietarios afectados e prega desculpas polos inconvenientes que a realización da mesma puidera ter ocasionado á veciñanza nestes días, lembrando que a finalidade da actuación é mellorar a calidade do servizo para todos os residentes na rúa.

Tamén hai uns días comezaron os traballos de reconstrución de muros de contención nos camiños de Rúa Galáns e Monte Eiviño. Neste caso, as obras adxudicadas a Gruporesa teñen un custe de 18.977 euros. Os traballos incidirán na mellora da seguridade viaria posto que consistirá no arranxo dos deteriorados muros de contención que delimitan os camiños e que actualmente corren o risco de desmoronarse cara a vía pola que transitan persoas e coches.

Para financiar estas dúas actuacións, o Concello de Vilagarcía recorreu ao reinvestimento dos remanentes de adxudicación doutras obras incluídas no POS da Deputación. A suma das tres obras ascende a 30.768 euros.

< volver

+ titulares