OBRAS E SERVIZOS
O Concello adxudica dúas novas actuacións de mellora de camiños e servizos nas zonas do rural O programa municipal de mellora de camiños do rural prosegue, esta vez, cunha actuación na Rúa Galáns e Monte Eiviño. Trátase da construción de muros de contención en dous camiños, obra que a Xunta Local de Goberno acaba de adxudicar á empresa Gruporesa por 18.977 euros. Tamén se vén de contratar por 11.791 euros, neste caso a Espina e Delfín, a obra de mellora da rede de pluviais na Rúa Loureiro de Trabanca Sardiñeira. Ambas actuacións financiaranse co reinvestimento de remanentes de adxudicacións do POS e con fondos propios do Concello.
13.11.2018.- Os traballos comezarán en breve. No caso de Galáns e Eiviño, a obra incidirá na seguridade viaria posto que consistirá no arranxo dos deteriorados muros de contención que delimitan os camiños e que actualmente corren o risco de desmoronarse cara a vía pola que transitan persoas e coches. Para financiar a actuación destínanse 11.778 do plan provincial e os 7.186 restantes ponos o Concello.
A obra na Rúa Loureiro, en Trabanca Sardiñeira, ten como obxectivo canalizar axeitadamente a recollida de augas pluviais para evitar que estas escorreguen libremente e afecten ás vivendas e propiedades da rúa. Estas dúas obras programadas polo Concello enmárcanse nas actuacións de mellora de camiños e servizos do rural vilagarcián.