VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
O Concello traslada á Xunta de Galicia as demandas dos veciños sobre a ampliación do servizo de autobús urbano
O Concello de Vilagarcía remitiu á Xunta de Galicia o escrito presentado por veciños demandando a mellora e adecuación das liñas de transporte público urbano no municipio. Entre as medidas solicitadas polos usuarios atópanse o aumento das frecuencias horarias en servizos existentes e a creación de novas liñas diarias e continuadas para dar servizo a zonas do municipio ás que actualmente non chega o autobús.

20.09.2018.- A Xunta Local de Goberno acordou remitir á Xefatura Territorial da Consellería de Infraestruturas e Vivenda o escrito asinado por máis dun cento de veciños, posto que a regulación do transporte público é unha competencia da administración autonómica e dado que, neste momentos, a Consellería está a elaborar o novo Plan de Transporte para renovar as concesións para a prestación dos servizos de autobús en toda a comunidade.

O Concello tamén se dirixiu aos veciños informándolles do traslado da petición á autoridade competente e das xestións que o goberno local ten realizado xa ante a administración autonómica, así como das reunión solicitadas para continuar expoñendo as necesidades de Vilagarcía en materia de transporte público urbano e interurbano. O executivo

Entre as demandas expostas polos veciños atópanse a ampliación xeral de frecuencias nas liñas do transporte urbano que dan servizo a zonas como Cea, Trabanca Badiña, Trabanca Sardiñeira e A Torre (algunha das cales non dispoñen de ningún servizo de tarde e só contan con un ou dous pola mañá), a creación de liñas para lugares como Lago, Fontecarmoa, Castroagudín, Galáns, Rubiáns aos que na actualidade non chega o bus urbano, a ampliación de horario de tarde-noite nas liñas a Bamio e O Rial ou a prolongación do percorrido na zona do Freixo.

< volver

+ titulares