VILAGARCIA DE AROUSA

EMPREGO
O Concello informa sobre os requisitos formativos para acceder á selección de alumnos do obradoiro Labor@Xove18
Ante o inminente inicio por parte do Servizo Público de Emprego (antigo INEM) da realización das sondaxes para a selección de aspirantes a participar no obradoiro de emprego Labor@Xoven 18 que porá en marcha o Concello de Vilagarcía a partir de outono, a Concellería de Formación e Emprego do Concello de Vilagarcía informa á poboación desempregada dos requisitos formativos que se deben cumprir para acceder ao proceso selectivo.

27.08.2018.- O Labora Xove está dirixido a mozos e mozas desempregados de 18 ou máis anos. A través deste programa de formación e aprendizaxe formarase a 8 persoas na modalidade de “Socorrismo en espazos acuáticos” e a outras 8 en “Atención ao cliente, consumidor ou usuario” co obxectivo de facilitar a súa inserción laboral a través de profesións con demanda no mercado de traballo. O Concello porá en marcha nos vindeiros días o mecanismo para a selección do alumnado e do profesorado do obradoiro que terá unha duración de 6 meses e que deberá estar en marcha antes do 30 de setembro.

Os interesados en participar no Labora Xove 18, tanto como alumnos como persoal docente, deberán estar inscritos como demandantes de Emprego nas listas do Servizo Público de Emprego (antigo INEM). Para participar na selección deberán cumprir o perfil e os requisitos indicados na Orde da Consellería. Os requisitos en materia formativa son os seguintes:
SOCORRISMO EN ESPAZOS ACUÁTICOS NIVEL 2 DE CERTIFICADO DE PROFESIONALIDADE ( 8 alumnos)

a) Estar en posesión del Título de Graduado en Educación Secundaria Obrigatoria
b) Estar en posesión dun certificado de profesionalidade do mesmo nivel do módulo o módulos formativos e/o do certificado de profesionalidade al que desexa acceder.
c) Estar en posesión dun certificado de profesionalidade de nivel 1 da mesma familia e área
d) Cumprir o requisito académico de acceso aos ciclos formativos de grado medio para el nivel 2 , ou ter superadas as correspondentes probas de acceso reguladas polas administracións educativas.

ATENCIÓN AO CLIENTE, CONSUMIDOR OU USUARIO NIVEL 3 DE CERTIFICADO DE PROFESIONALIDADE ( 8 alumnos)

a) Estar en posesión do Título de Bacharelato
b) Estar en posesión dun certificado de profesionalidade do mesmo nivel do módulo o módulos formativos e/o do certificado de profesionalidade ao que desexa acceder.
c) Estar en posesión dun certificado de profesionalidade de nivel 2 da mesma familia e área profesional
d) Cumprir o requisito académico de acceso os ciclos formativos de grado superior , o ter superadas as correspondentes probas de acceso reguladas polas administracións educativas.