CONCELLO
Igualdade organiza unha sesión musical para poñer de manifesto unha “Vilagarcía Diversa e Orgullosa” A Concellería de Igualdade do Concello de Vilagarcía de Arousa organiza o sábado unha actividade musical co obxecto de continuar coa labor de sensibilización, respecto e de normalización social das persoas pertencentes ao colectivo LGTBI. A actividade leva por título “Vilagarcía Diversa e Orgullosa” e consiste nunha sesión vermú a celebrar nos Xardíns de Ravella a cargo da Dj, Señora DJ. As actividades comezarán ás 12:30 e prolongaranse ata as 14:30 horas.
08.08.2018.- Con esta acción, o departamento que dirixe Tania García pretende dar visibilidade ao colectivo LGTBI e poñer en evidencia que vivimos nunha sociedade diversa na que non podemos admitir que as diferenzas marquen os nosos dereitos ou sexamos excluídos/as por esas diferenzas. Por outro lado, con esta actividade, a Concellerías tamén quere promocionar o Punto de Información Municipal (PIM) LGTBI do Concello para que sexa más coñecido e poidas acceder a el todas as persoas que o desexen.
Na sesión vermú “Vilagarcía Diversa e Orgullosa”, ademais da ambientación musical que poña a Señora DJ, haberá un photocall para sacarse fotos e onde se poderán poñer mensaxes. Tamén haberá unha mesa con información e contarase coa participación de algunha persoa do colectivo.
Dende a Área de Igualdade e o Punto de información LGTBI invítase aos vilagarciáns a participar no acto que servirá de punto de encontro onde reivindicar de forma lúdica a loita por unha sociedade máis inclusiva, igualitaria e respectuosa; unha sociedade, onde a identidade sexual non condicione os dereitos dos cidadáns.