VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
A organización da festa H2O solicitou permiso o 24 de xullo, polo que aínda está en estudo por parte polos técnicos
O alcalde de Vilagarcía, Alberto Varela, manifestou que a organización da macrofesta H2O non ten nin a máis mínima razón para responsabilizar ao Concello da suspensión do evento. O rexedor lembra que o Concello non denegou o permiso, pola simple razón de que non dou tempo a realizar os informes dado que os organizadores da festa presentaron a solicitude o pasado martes, 24 de xullo, anunciando onte que a suspendía, só catro días hábiles despois (houbo un festivo e a fin de semana). “A decisión tómana eles e a responsabilidade é unicamente súa”, sentencia Varela.

01.08.2018.- O alcalde considera que as críticas contra o Concello vertidas pola organización son totalmente inxustas “supoño que tratan de que a xente pense que é culpa do Concello e non lles reclamen a eles, pero iso non é certo”. O rexedor lembra que esa macrofesta que se inicia o día 15 de agosto e se prolonga ata a tarde do 16 é unha actividade de promoción privada, na que o Concello non ten nada que ver e da que os organizadores sacan beneficio “todo o contrario que o Concello e a cidade, como xa se veu o ano pasado co problema do lixo”.

Varela Paz engadiu que “independentemente de que este tipo de celebración non encaixa no modelo de Festa da Auga que lle gusta a este goberno, nin a maioría dos vilagarciáns, a xulgar polos comentarios que me chegan persoalmente e que están saíndo en redes, como calquera iniciativa privada que pide permiso ao Concello, autorízase sempre que cumpra a lei e teña todo en regra”.

Por outro lado, o alcalde advertiu que a H2O pode danar á verdadeira e tradicional festa de Vilagarcía ao confundir á xente de fora que pode crer erroneamente que se suspende á Festa da Auga, algo que tamén prexudicaría á hostalería local.

< volver

+ titulares