TERCEIRA IDADE
A Concellería invita aos maiores a asistir á Festa do Polbo de Carballiño A Concellería de Persoas Maiores do Concello de Vilagarcía xa ten planificada a vindeira excursión. Con motivo da celebración da afamada Festa do Polbo de Carballiño, o departamento que dirixe Tania García Sanmantín ofrece traslado gratuíto a todas as persoas maiores que desexen asistir á cita gastronómica que terá lugar o vindeiro 12 de agosto, domingo.
09.07.2018.-A asistencia a festas gastronómicas é unha das actividades demandadas polo colectivo de maiores, de ahí a organización desta excursión. O Concello correrá co custe dos autobuses que se encargará de desprazar ata Carballiño aos asistentes e de devolvelos a Vilagarcía ao remate da xornada. O traslado é de balde para os participantes. A saída está prevista para as 10 da mañá e o regreso ás 19 horas da tarde.
Os maiores de 65 anos que desexen asistir á festa deberán anotarse previamente nas dependencias da Concellería a partir do día 16 de xullo. As prazas cubriranse en rigorosa orde de inscrición e só se permitirá un número máximo de catro persoas por reserva.