MEDIO AMBIENTE
O Concello convoca 20 prazas para un campamento urbano medioambiental A Concellería de Xuventude, que dirixe Sonia Outón, vén de convocar un novo campamento urbano medioambiental, dirixido a mozos e mozas con idades comprendidas entre os 12 e os 16 anos. A actividade se desenvolverá entre os días 23 de xullo e 3 de agosto, con horarios de 10 a 14 horas e de 10 a 19 horas, de luns a venres. O prazo de inscrición, que é gratuíta, comeza mañá martes e estará aberto ata o día 13. Tanto as bases como o formulario de solicitude poden solicitarse presencialmente na Concellería de Xuventude ou baixalas do portal municipal http://www.vilagarcia.gal ou da sede electrónica, sede.vilagarcia.gal. Os interesados deberán aportar Autorización pai, nai ou titor, fotocopia do DNI e unha copia da tarxeta sanitaria.
O Campamento urbano medioambiental é programa de actividades ambientais, culturais, creativas e lúdicas que se levarán a cabo nas contornas naturais e monumentais do Concello de Vilagarcía durante o mes de agosto. Estas actividades están dirixidas a mozos e mozas que terán a oportunidade de participar na natureza, da cultura, da tradición oral e da tecnoloxía, o que lles proporcionará unha ampliación dos seus coñecementos sobre o bosque, o mar, a cultura e a historia de Vilagarcía, desenvolvendo as súas habilidades de orientación, autonomía, respecto polo medio ambiente e aproveitamento racional do mesmo. O proxecto foi adxudicado á empresa local Corticata, SL.