CONCELLO
A obra do premiado fotógrafo Sebastiao Salgado exhíbese en Vista Alegre da man da Obra Social “la Caixa” e o Concello O alcalde de Vilagarcía de Arousa, Alberto Varela; a directora de Área de Negocio de CaixaBank en Pontevedra, Cristina Vega; e o representante de a obra de Sebastião Salgado en España, Miguel González; inauguraron a exposición “Sebastião Salgado. Génesis. Arte en la calle” instalada na Rúa Vista Alegre ata o 20 de xullo. A mostra organizada pola Obras Social La Caixa recolle o terceiro proxecto ao longo prazo sobre temas globais realizado polo recoñecido fotógrafo brasileiro. En “Génesis” pon o foco no mundo natural e nos invita a interrogarnos sobre o estilo de vida humano actual e o seu impacto nos recursos naturais do planeta.
20.06.2018.- A exposición, comisariada por Lélia Wanick Salgado, está formada por 38 fotografías -nun branco e negro que agudiza o toque épico das mesmas- que son a testemuña dunha longa coexistencia dos humanos coa natureza, e unha oda visual a un mundo que debemos protexer.
Xénesis estrutúrase en cinco apartados, representando cada un deles unha extensa rexión con varios ecosistemas e colectivos humanos: «Os confíns do sur», Xeorxia do Sur, as Malvinas, a península de Valdés e as illas Sándwich; «Santuarios», as illas Galápagos, Indonesia, e os ecosistemas de Madagascar; «África», do delta do Okavango en Botsuana e o parque de Virunga na tripla fronteira entre o Congo, Ruanda e Uganda, ao deserto de Arxelia; «As terras do norte», paisaxes de Alaska e da meseta do Colorado en Estados Unidos, o Parque Nacional de Kluane na illa de Baffin (Canadá) e as rexións setentrionais de Rusia, o norte de Siberia e a península de Kamchatka; «A Amazonia e o pantanal», a confluencia dos ríos Negro e Solimões en Manaos, os parques nacionais de Canaima (Venezuela) e de Xingú (Brasil), e o Pantanal, o maior humedal do mundo, a cabalo entre Brasil, Bolivia e Paraguay.
Con este tipo de exposicións de Arte na Rúa, a Obra Social ”la Caixa” quere mostrar a influenza das imaxes na sensibilidade contemporánea e destacar o papel dos grandes creadores visuais do século XX no noso xeito de ver o mundo.
Premio Príncipe de Asturias e Embaixador de UNICEF
Nado en 1944 en Aimorés, Minas Gerais (Brasil), Salgado estudou Economía, pero dende os 29 años dedícase por completo á fotografía. Despois de traballar para as axencias Sygma e Gamma, en 1979 incorporouse a Magnum Photos, onde permaneceu ata 1994, ano no que creou, xunto con Lélia Wani ck Salgado, Amazonas Images, unha axencia dedicada exclusivamente á súa obra. En 2001 foi nomeado embaixador especial de UNICEF, e entre os seus numerosos recoñecementos recibiu en 1998 o Premio Príncipe de Asturias de las Artes.
Visitas guiadas de balde
A mostra instalada na Rúa Vista Alegre pode admirarse libremente, aínda que la Obra Social “la Caixa” ofrece a posibilidade de realizar visitas guiadas completamente de balde e sen reservar cita previa.De luns a venres, guías da exposición captarán ao público in situ media hora antes de iniciar a sesión. Os sábados haberá unha única visita guiada ás 17 horas e os domingos outra ás 12 horas.